A collection of Egyptian jokes (nokat) مجموعة نكت مصرية

واحد كسلان حب يدهن جدار بيتهم دهن نصه وحط 3 نقط وكتب الى اخره

بلدياتنا نجح في انتخابات مجلس الشعب، ففي اول جلسة قاعد جنب واحد افندى فالأفندى عزم عليه بسيجارة مارلبورو، وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا

مرة واحد مسطول أحول ، جه يعيط قام ريل

واحد رخم نزل الشارع وقف قدام عمود ... قالوه عديني

مره واحد مسطول ماشي مع حبيبته في نص الليل فاشفت
ابوها فقالت يالهوي بابا بابا فقالها ماتخافيش قوليلوا اخوكي

صعيدى ضحك نسى بقه مفتوح

واحد راح السودان بالليل مالقاش حد

اتنين بيلعبوا كورة واحد شاط والتانى اتحرق

مصوراتى ابنه مات طلع عليه

بلدياتنا نزل محطة الرمل رجله غرزت

بلدياتنا راح لدكتور بلدياته قاله كل ماحط ايدى على عينى ماشوفش الدكتور خرامله ايده

بلدياتنا وصرصار بيتخانقو مين شنبه اطول

بلدياتنا حب يحتفل بعيد الطفولة شخ على نفسه

بلدياتنا ماشى فى الصحرا وقعت عليه البلكونة

بلدياتنا عمل باب ازاز حط فيه عين سحرية

بلدياتنا حب يطور الهليكوبتر شال المروحة وحط تكييف

بلدياتنا اشترى لابنه الة حاسبة شال منها الزيرو

بلدياتنا عايز نضارة بيسالوه للشمس قالهم لا ليا

فرخة اتجوزت فيل جابو اتشيكن فيليه

واحد خلقه ضاق اداه لاخوه الصغير

واحد عداه العيب خد اللى بعده

غلس عمل ملجاء للايتام كل يوم يعمل اجتماع لاولياء الامور

غلس بيعاكس واحدة قالتله حل عنى قالها فين الاسئلة

غلس عينوه فى المطافى غير النمرة

مرة واحد دماغه لفت قابلها فى الشارع التاني

احول بيغمز لبنت دخل فى العامود

واحد تزوج امرأه بيضه سلقها واكلها

بلدينا دخل الجهادية طلع من الجهة التانية

واحد سافر المغرب رجع العشاء

فرعونى حب واحدة قالها امون فيكى

فرعون قعد على قهوة طلب واحد امون

واحد بياكل لبانة حلف ماينام الا ماتخلص

حكم كورة قعد على قهوة طلب واحد صفر

واحد بيسال واحد فين محطة العتبة قاله شفنى هنزل فين وانزل اللى قبلها

سكران وقع على باب العمارة البواب بيقوله جات سليمة قاله خليها تطلع

واحد مستعجل اتجوز واحدة مستعجلة خلفوا واد مش فاضيلهم

واحد غلس عرف رقم موبايل عفريت كل يوم يبعتله مسج فيه اعوذو بالله من الشيطان الرجيم

كسلان بيسالوه لما تصحى من النوم تعمل ايه قال اخد قسط من الراحة

قصة فيلم:اتنين هنود لقو بنت صغيرة اخدوها وربوها ولما كبرت طلعت امهم

5 دخلو كليه الهندسة اتنين طلعوا مهندسين وتلاتة مدينة نصر

ندل جورج قرداحى اتصل بيه قاله صاحبك عايز يوصل للمليون قاله قله نايم

اتنين مساجين اتفقو يكسروا باب السجن ويقتلو الحارس ويهربوا كسروا الباب مالقوش الحارس قعدوا يستن وه

دكتور بيقول للمجنون بتكتب الجواب دا لمين قاله لنفسى قاله وكاتب فيه ايه قاله هو لسة وصلنى

رزل بيقول للبقال عندك سكر قاله اه قاله ربنا يشفيك

رزل دبانة مزهقاه قطعلها جنحاتها وقالها خديها كعابى

سواق تاكسي قعدت جنبه بنت حلوة قوي قاللها : تعرفي تسوقي؟ قالتله : لأ قالها : أنا تسوقي

مره واحد اشترى لمبه مسمار دقها في الحيط

مرة واحد بلديتنا راح البحرين راح خد معاه ميوهين

اثنين أصحاب خارجين من الامتحان واحد بيقول للتاني انت عملت ايه قاله انا سيبت الورقة فاضية قاله وانت كمان عملت ايه قاله اناكمان سيبت الورقة فاضية قاله ياه كدا هيفتكروا ان احنا الاثنين غشين من بعض

Contents: 

Comments

Dear Fadel; ur allowed to say

Dear Fadel;
ur allowed to say ur opinion of course although I agree with everyone who said that its just humor,like stand up comedians who sometimes make fun of African Americans, Asians, Indians, arabs jews and all sorts of people, right infront of their noses and they laugh at it.
However, even though u r allowed to say ur opinion about the jokes, u r in no way allowed to make a comment about his "culture" ((It seems you still carry something from your old culture))..watch out there Mr. fadel, it seems ur the one being a racist right there, so maybe u should consider "acting" instead of "talking" and try not to be a racist b4 asking other people to do so, and by all means, if this site offers jokes u don’t like.. feel free not to open it anymore and spare us ur wise lessons about "Multiculturalism"...

مرة واحد صعيدى بيدلع مراتة

مرة واحد صعيدى بيدلع مراتة فبيقول لهل انتى قطة
قالت له وانت كلب
قال لها وانتى طالق

woow

woow these jokes r awsome what's going on with u guys chill out we're just having fun no need for this conversation take it easy ya 3azizi

Pages