Another set of Egyptian jokes

مسطول خد قطة لمراته
قال لها: شايفه القرد
قالت له: دى قطة
قال لها: أنا بأكلم القطة

عجوزة خيروها بين الحج والجواز
وطت راسها مكسوفة
وقالت: هى مكة هاتطير!

واحدة بتعيط إبنها تايه
قابلها واحد قال لها: ماتخافيش ولاد الحلال مابيضيعوش
قالت: يانهار أسود يبقى الواد مش هايرجع

صرصار فى العناية المركزة
بيسأل صرصار جنبه: بيروسول برضه؟
قال له: لأ شبشب

صعيدى اشترى لأمه علبة كبريت
قالت له: مش بتولع
قال: ازاى؟ دا أنا مجربهم عود عود

الواحد لو زهق من الحياة يعمل إيه؟
الجواب: ينقل على دريم

واطى زعل من أمه راح اشترى لها كرتونة لبن
وقال لها: كده مالكيش حاجة عندى

Contents: