Some silly Egyptian jokes

فعلا رخامة ما بعدها رخامة

ليه ابوتريكة بيلبس فانلة 22 ؟
عشان 21 ضيقة عليه
طب ليه مبيلبسش 23؟
عشان فلافيو بيلبس 23

طب ايه هو الحيوان التعيس؟
القطة
ليه؟ عشان دايما تخربش ومتكسبش

طب ايه الحيوان اللي بياكل ويشرب بديله؟
كل الحيوانات بتاكل وتشرب بديلها .. عمرك شفت
حيوان ساب ديله وراح ياكل؟

طب ايه اقدم حيوان؟
الحمار الوحشي ..
عشان ابيض واسود

طب ايه هو اجدد حيوان؟
القنفد .. ليه ؟
عشان بشوكه..
والكنغر .. ليه؟
علشان بكيسه

طب ليه التلاجة غبية؟
عشان بتحفظ الاكل
.. مبتفهموش

ايه الشبه بين الجرنان والشمس ؟؟
الاتنين بيطلعوا الصبح

ايه الشبه بين التفاح والكمثرى ؟؟
الاتنين مش جوافة

واحد وقع من الدور التاسع لقى ايه؟؟
لقى مصرعه

دكتور اسنان ارتكب جريمة يسجنوه فين ؟؟
في سجنال تو

ايه هي قمة الادب ؟؟
انك تخبط على
التلاجة قبل متفتحها

ايه هي قمة الصبر ؟؟
انك تستنى حد يفتحلك

ايه هي قمة الدهشة ؟؟
حد يفتحلك فعلا

إيه وجه الشبه بين الحلاق و بوتين؟
الإتنين بيتعاملوا مع الروس

إيه العلاقة بين الكمبيوتر والحفرة ؟
الكمبيوتر حاسب آلى
أما الحفرة حاسب لتقع

ليه الأرجنتين مش بيزرعوا تين ؟
لأنها من الدول اللا....تينية

حاجه طايره فى السما وبتقول نياو ايه هى؟؟؟
قطه بيضاء مضروبه بالشلوت

طب حاجه سوده طايره فى السما وبتقول
نياو ايه هى؟؟؟
غراب بيستهبل

طب حاجه بني طايره فى السما وما
بتقولش حاجه ايه هى؟؟؟
فرده الجزمه بتاعه الراجل الى ضرب
القطه البيضاء

حاجه زرقا طايره فى السما ايه هى؟؟؟
ذبابه لابسه بنطلون جينز

نقطه سوده على الحيطه ايه هى؟؟؟
ذبابة

طب نقطتين سود على الحيطه تبقى ايه؟؟؟
فيشه

طب 3 نقط سود على الحيطه تبقى ايه؟؟؟
ذبابه وفيشه

طب 73 نقطه سوده على الحيطه تبقى ايه؟؟؟
يبقى البياض بتاع البيت بيقشر

ازاي نحط فيل في زجاجة
نزقه فيها فجأة وهو بيشرب

ازاي نحط فيلين في
زجاجة من غير ما يلمسو بعض ؟؟
نحط بينهم فيل تالت

طب ازاي تركب 4 فيلة على بسكلتة؟
فيل يسوق ويمسك الازازة

ازاى نركب اربع فيلة فى عربية فولكس
اتنين ورا واتنين ادام

طب إزاي نركب 8 فيلة فى مرسيدس
نبيعها ونشترى عربيتين فولكس
ويبقى اتنين ورا
واتنين ادام

كيف نعرف ان 8 افيال موجودين داخل فندق
شيراتون بدون ان تدخل الفندق؟
اذاوجدت 2 فولكس في مواقف الفندق

دكتور اتجوز محامية خلفوا ولد يسموه ايه؟
أحمد على اسم جده

ماهو الشئ اللي ننام عليه
ونجلس فوقه
ونغسل اسناننا بيه؟
السرير والكرسي وفرشاة الاسنان

ماالذي له راسان و8 اقدام؟
كلبان

طيب ايه اكتر حيوان بيسيح في الحر ؟
تمساح ساح
ساح ساح ساح

سمعت نكتة الأسانسير ؟
- لأ
- يبقى اكيد كنت طالع على السلم