Jokes from the Egyptian Revolution نكت من ثورة مصر

اليمن والجزائر تتنافسان على المركزين الثالث والرابع.. عايزين تشجيع كبير يا شباب

الرؤساء العرب زي ستار أكاديمي.. كل جمعة بيروح منهم واحد نومونيه

سووووووووو يا سوووو مبارك خلعوووووووووه

سمعني أجدع سلام وتحية للفيس بوك مفجر ثورة التحرير

حالة من الإسهال الحاد والمفاجئ انتابت قادة الجيش الإسرائيلي بعد تنحى مبارك

من النهاردة مفيش حكومة.... شعب مصر هو الحكومة

الجدع جدع والجبان جبان.. وإحنا يا جدع هننضف الميدان

الجمعة هرب بن علي.. والجمعة تنحى مبارك.. والجمعة القادمة هنحرر فلسطين

يا شهيد ارتاح ارتاح.. حسني مبارك سابنا وراح

بعد جمعة النصر في تونس وجمعة التحرير في مصر القذافي يأمر بإلغــاء يوم الجمعة في ليبيا

مبارك قابل عبد الناصر والسادات بعد ما مات سألوه: سم ولا منصة.. قالهم لأ فيس بوك!.

أعزائنا الإخوة العرب: ما حدث في مصر يبقي في مصر ويخصها.. إمضاء: حكامكم الديكتاتوريين

أمنية واحد مصري: يا ريت مبارك كان ضربنا إحنا الضربة الجوية، وراح حكم إسرائيل 30 سنة، كان زمانهم بيشحتوا دلوقتي!

- مبارك بعد ما مات قابل السادات وعبد الناصر، سألوه: هاه؟ سم ولا منصة؟ رد عليهم بحرقة وقال: فيسبوك!

- الرئيس يعلن في بيان: وفاء مني لمصر ورغبة في تلبية طلبات الشعب لن أرحل حتى أحقق مطلب الشعب في القبض على السفاح ومحاكمته.

- بيقولك واحد لقي الفانوس السحري ودعكه.. طلعله العفريت وقاله: شبيك لبيك تطلب أيه؟ قاله الراجل: أنا عايز كوبري بين القاهرة وأسوان. العفريت قاله: دي صعبة قوي.. نقي حاجة تانية. الراجل قاله: خلاص خلي حسني مبارك يسيب الحكم. العفريت قاله: انت عايز الكوبري رايح جاي؟ ولا رايح بس؟

- "بلطجي" لقناة العربية: العيال بيرموا علينا قنابل "بلوتوث".

- شهود عيان فى أروقة وزارة التربيه والتعليم تفيد بأنه قد تم تأجيل امتحانات الدور التانى إلى أجل غير مسمى، معللة هذا بأن النظام سقط وعاوز وقت عشان يلحق يذاكر.

- عقد الريس جلسة مع وزير الداخلية السابق حبيب العدلي قاله محتدا: منعت الحشيش يا فالح؟ أهو الشعب صحصح.

- عمر سليمان: حسني مبارك ده هو أبونا كلنا.. محشش: ده إحنا طلعنا ولاد حرام يا رجالة.

أما من الشعارات التي حملها المتظاهرون المعتصمون في ميدان التحرير، فلعل من بين أبرزها:

- رابطة نجاري مصر يسألون الأسطى مبارك: "ما نوع الغراء الذي تستخدمه؟"

- ارحل.. الولية عاوزة تولد والولد مش عايز يشوفك

- ارحل عاوز أتجوز

- ارحل مراتي وحشتني.. متزوج من 20 يوم

- ده لو كان عفريت كان طلع

- لو ما استحمتش النهاردة في بيتنا.. هاستحمى يوم الجمعة في قصر الرياسة

وتعقيباً على الاتهامات بوجود أجندة لدى المعتصمين في ميدان التحرير، ومندسين من الخارج بينهم، سخر البعض بما وصفوه بـ"نشيد الأجندة"، الذي يقول:

أنا مندس.. أنا مندس، هاتلي أجندة ووجبة وبس
من هارديز أو من كنتاكي، هاتلي وجبة دينر بوكس
أو سوبر زنجر من غير خس
هاتلي أجندة من الفجالة أعمل بيها ثورة في مصر
أنا مندس.. أنا مندس، وكل الشعب كمان مندس
كل الناس هنا مش عايزينك، وانت يا حسني مش بتحس
كل فضايحك، كل جرايمك، كلو موجود على ويكيليكس
أنا مندس.. انا مندس، عندي أجندة مستر إكس

إعلان فى الوسيط
مطلوب رئيس جمهورية
لبلد لقطة على ناصيتين
بحر ابيض وبحر احمر
وبها نهر وخمس بحيرات
و 3 اهرامات و ميدان يساع 5 مليون
جميع الكماليات
تشطيب 85 مليون شخص
وتمتاز بخفة دم شعبها
استعمال طيار وابنه
مرفوعة 30 سنة

أحمد ﺷﻔﻴﻖ ﻟﻌﻼﺀ الأسواني: ﺍﻧﺎ ﺣﺎﺭﺑﺖ ﻭ ﻗﺘﻠﺖ ﻭ ﺍﺗﻘﺘﻠﺖ، من أنتم من أنتم! اتقتلت ازاي يعني؟ هية ناقصة هبل؟ مش كفاية القذافي

النائب العام يبقى إبن خالة وزير الداخلية محمود وجدى
وزوجة أحمد شفيق تبقى عمة خديجة مرات جمال مبارك
وإبن الفريق أحمد فاضل رئيس قناة السويس متجوز بنت عمر سليمان
ومرات حبيب العادلى تبقى طليقة أشرف السعد
و كمان بنت عم سوزان مبارك متجوزه منير ثابت
وزهيرجرانه يبقى إبن خالة أحمد عز
ومحمد منصور والمغربى ولاد خاله
بنت رشيد اتجوزت ابن اخو المغربى
واخت رشيد اتجوزت امين رياسه الجمهوريه
اللى هو يبقى اخو قنصل مصر فى نيويورك
اللى هو يبقى عديل رجل الاعمال عيسى عليش

السؤال هنا للأذكياء:
زكريا عزمى يقرب إيه للراجل الى كان واقف ورا عمر سليمان

غدا مظاهرة مليونية رجالية في كافة مدن البلاد شعارها الوحيد هو
" ... الزوج ... يريد ... تغيير ... المدام "
وإستباقا لهذه المظاهرة فقد قامت منظمة الزوجات بإصدار بيانا عاجلا
تضمن تنازلات وإصلاحات أهمها :
1- تزويج الزوج زوجة نائبة لها تحل محلها فى غيابها والسماح للزوج بتعدد الزوجات كما نص عليه الشرع .
2- السماح للزوج بالسهر أين ومتى شاء ودون تحديد سقف لموعد العودة للبيت .
3- للزوج الحق الكامل بالدخول والخروج من البيت دون إستجواب أونظرات حادة .
4- تخفيض المصاريف الشهرية والتركيز على الأولويات .
5- الإستغناء عن العمالة الأجنبية في البيت.
6- السماح للزوج بحرية التعبير السلمية عن آرائه في كافة المجالات المتعلقة بالزوجة والبيت .

إلا أن الأزواج رفضوا هذا البيان وقرروا المضي في المظاهرة، وقرروا رفع سقف مطالبهم
وذلك نظرا لطول فترة حكم الزوجة المستبد والذى تجاوز الثلاثين عاما والملئ
بالتجاوزات وإنتهاكات حقوق
الزوج الإنسانية والمهنية وحرمانه من أبسط حقوقه إلا بعد تقديم الرشوات العينية
والمعنوية وإنتشار الفساد والأمراض بين الأولاد وتدنى مستواهم العلمي نظرا لإنشغال
الزوجة في أمورها الخاصة والزيارات المتكررة لصويحباتها والخروج إلى الأسواق
بداعي وبدون داعي وحضورالأفراح
وقضاء الوقت في الثرثرة على التليفون
وتبديدها جزء كبير من مصاريف البيت في شراء الكماليات الخاصة بها
وغيره من التصرفات التي أدت إلى زعزعة الإستقرار في البيت

سألوا احمد عز: جبت الفلوس دي كلها منين؟
رد وقال: هذا من فضل ربي.
الشيطان طلع له وقاله: اه يا واطي

واحد بيقول لمبارك ياريس انا بعت قيراط الارض اللى حيلتى علشان اوظف الواد و متوظفش
رد الريس: انا بعت مصر كلها علشان اوظف جمال و متوظفش

عز بيقول جمال مبارك أبوك غلط غلطة عمره، سأله جمال ايه هي؟ رد عز و قال باع البلد كلها الا ميدان التحرير

اخر ايام مبارك

حسني مبارك ... يخاطب الشعب .. " اصبروا يومين . جدة فيها فيضانات .. اروح فييببببن !!

اتصل حسني على زين العابدين وقله والي يرحم جدك اذا بتنام بكير , حطلي المقتاح تحت السجادة

تصل حسني البارك على برنامج ما يطلبه المتظاهرون واهداهم اغنية اخاصمك اه اسيبك لا

حسني مبارك بالطيارة بحكي لمرتو بدي ارمي 100 جنية و افرح عائلة مصرية. حكاتلو ارمي 50 ب 50 و فرح عائلتين.حكالو جمال ارميهم 25 و فرح 4 عيل. نط قائد الطيارة حكالو ارمي نفسك و فرح 80 مليون واحد

ثنين محششين في مصر واحد بسال الثاني طب لو انتصرنا و فزنا ع الحكومه شو بيصير - - - - قله بنلعب مع تونس ع النهائي

إخبرنى بصراحة يا نظيف ولا داعى للمجاملة أو النفاق - أمرك يا ريس - الريس : أنا الأفضل ولا عبدالناصر ؟- نظيف : انت طبعا يا ريس .. جمال مين اللى كان بيخاف من الروس- طيب أنا الأفضل ولا السادات ؟ نظيف : سادات مين ياريس اللى كان بيخاف من الأمريكان - طيب أنا الأفضل ولا عمر بن الخطاب ؟ - نظيف : انت طبعا يا ريس .. عمر بن الخطاب كان بيخاف من ربنا .. انت لأ

الرئيس مبارك يقوم بحرق نفسه امام مقر الامم المتحدة, مطالبا بتغيير الشعب المصري

جمال مبارك وعلاء بيتعاركوا مين يمسك الحكم وبعدين دخل عليهم ابوهم ومعاه وزير التربية والتعليم فالريس قال انا مش عارف اعمل ايه مع العيال دي الاثنين عايزين يمسكوا الحكم وطبعا ده ماينفعش فرد الوزير وقال ينفع ياريس فتره صباحيه وفتره مسائيه

مرة الريس ماشي يتفقد الرعية شاف واحد فلاح نايم والجاموسة دايرة في الساقية نزل من العربية وقاله : إزاي سايب الجاموسة ونايم ، إفرض الجاموسة وقفت ، مش ده هايقلل الإنتاج قال الفلاح : ياريس أنا حاطط جرس في رقبة الجاموسة عشان لما تقف اعرف ، وقوم أمشيها قاله الريس : إفرض ياناصح الجاموسة وقفت وقعدت تهز في راسها ... كدهه ...كدهه رد الفلاح : مش كل البهايم بتفكر زي حضرتك يا فندم

مبارك والقذافي وبوتفليقه نومني هذا الاسبوع في ستار اكاديمي

الوزير كمال الجنزوري جا لمبارك بعد ما شالوا من الوزارة وقالوا عايز أعرف انت شيلتنى ليه ياريس قالوا يا كمال يا حبيبي التغيير سُنة الحياه ، قالوا طيب شيلت وزير المواصلات ليه قالوا يا كمال يا حبيبي التغيير سُنة الحياة ، قالوا طيب ممكن أسالك سؤال اومال ليه انت الوحيد اللى مابتتغيرش قالوا ياحبيبي تغييركم انتم سُنة لكن أنا وجودي " فرض "

مبارك : عارف يا ابليس ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي .....وش وش وش وش مبارك : لالا يا ابليس الفكره دي مش نافعه , عاوز حاجه أشد أبليس : طب خد دي ...... وش وش وش وش مبارك : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه وش وش وش وش وش ابليس : لا يا راجل حرام عليك

تعميم من الخارجية السعودية تنفي فيه نية استقبال جمال مبارك و السبب ان جمال سوزان مبارك لا يقارن بجمال ليلى الطرابلسي افهموا لحالكم

غادر جميع الاسرائيلين من مصر حال اندلاع الاضطرابات ما عدا حسني مبارك

القمة العربية القادمة ستكون قمّة تعارف

الاوروبيين اقترحوا على مبارك يبدل الشعب المصري بالشعب الدنماركي ورفض مبارك؟ ليش؟ لانه الدنماركيين بحطوا صورته على علب اللبن هو لابس حلق.....ها ها

ذهب احمد نظيف لمشاهدة تمثال سعد زغلول وعندما صار أمامه قال التمثال لنظيف لماذا لم تضعوني على حصان مثل تمثال أحمد عرابي، إذهب وأت بحصان .. أسرع وهو مفزوع ليخبر مبارك أن تمثال زغلول يتكلم ثم ذهبا معا لمشاهدة التمثال وعندما وصلا, نظر التمثال الى نظيف وقال له: قلت لك أحضر لي حصان وليس ......حمار

بقولوا انة سوزان مبارك اتصلت بليلى الطرابلسي زوجة بن علي !!!(عشان تعطيها دورة كوافيرة حتى تلاقي شغل بجدة )

الوحيد الذي يلتزم بتعليمات منع التجول في مصر رجل اسمه حسني مبارك.

مبارك هرب لجدة ومعه ببغاء قله موظف الحدود سيادتك الحيوان هذا معك الببغا قله آه معي

زين العابدين لمبارك : ليه تشكي من الدنيا يا ود ليه دمعك يجري على الخد افرح غني عش متهني دا الدنيا ما بدمشي لحد قال مبارك :أضاعوني وأي فتى أضاعوا ليوم هزيمة وفساد رايي

حركة حماس تقوم بعمل دوريات حراسة في الانفاق خوفا من دخول حسني مبارك من احداها :))

بن علي مع مبارك في جدة بيقول له
يا مبارك انا زهقت من الشيشة
رد مبارك و قال له اصبر شوية يا زين القات و حبوب الهلوسة جايين في السكة

ردا على جمعة الغضب, و جمعة الرحيل و يوم الشهداء وأسبوع الصمود,أعلن الرئيس انه قرر التنحي في "يوم القيامة"

لراغبي التميز دبابة موديل 1973استعمال نقيب, جنازير سبور, دواخل فابريقة, حالة ممتازه, لأعلي سعر

الشعب عمل تفويض لسوزان بما انها الوحيدة اللي ممكن تخلع مبارك

حسني مبارك مخاطبا شعبه : سيدنا نوح صبر على قومة 950 سنه وأنا مش مستعجل

أمنية واحد مصرى يا ريت حسنى كان ضربنا احنا الضربة الجوية و راح حكم اسرائيل 30 سنة، كان زمانهم قاعدين بيشحتوا

مكاسب الثورة المصرية : ١. اقالة الحكومة الأردنية ٢. رفع قانون الطوارئ في الجزائر ٣. اعلان الرئيس اليمني عدم ترشيح نفسه للرئاسة.

4.تعديل الدستور الصيني ٥. قمع الشعب السوري قبل ما يفكر يثور ٦. بقاء الرئيس المصري ولا كأن حاجة حصلت.

مبارك بعد ما مات. قابل السادات و عبد الناصر, سألوه: سم و لا منصه؟ رد فيس بوك

عاجل جدا ... تم إيفاد وزير الصحة السعودي الى مصر لعمل جراحة فصل للتوأمين حسني و الكرسي

من هتافات الشباب في الاسكندرية ( يا اللي فاضلك 6 شهور -- خد اجرتهم يلا وغور ) بس محدش قال يطلعوا كام

Contents: 

Comments

هكدا نعرف المصريين دائما

هكدا نعرف المصريين دائما يحاولون ان ينضروا للجانب المشرق للامر
يملاون الجو بالفرح لكل العرب

الضحك

كل الشعوب مقهورة بنضحك عشان نسعد حالنا