Another set of Egyptian Jokes مجموعة نكت مصرية

مرة واحد بيعدي الشارع مع صحابه خبطته عربية ومش عارفين يقولوا لمراته الخبر ازاى ..شالوه وراحوا لها البيت فتحت لهم الباب واحد منهم قالها : جوزك ضيع كل فلوسه عالقمار.. قالت له : إلـهي ينشل البعيد !! .. قالها: وباع البيت .. قالت له: إلهي يبيعوا عنيه !!! قالها: واتجوز عليكي على فكرة .. قالتله: إلهي يدخلوا عليا شايلينه !!.. الراجل قال : بس .. خشوا يا شباب

مدرس بيسأل الطلبة فى الفصل بتعملوا ايه اول ما تروحوا البيت ؟ الاول قاله انا بتفرج عالتلفزيون واروح لاحمد بتاع الحشيش ..التانى قاله انا بلعب كورة واروح لاحمد بتاع الحشيش ..التالت قاله انا بذاكر واصلى واقرا قرآن ،، المدرس فرح بيه قوى وخده بالحضن وقاله اسمك ايه ؟؟؟ قاله انا احمد بتاع الحشيش

اتنين فشارين قوى واحد بيقول للتانى تصور ماما جابت لنا حله وسعها 10 فدان .. التاني قاله طب وايه يعني ماحنا ماما جابت لنا بامية الواحدة منها طولها 2 متر ..صاحبه قاله ايه ده و بتطبخوها فين دي ؟؟؟؟ قال له فى حلة امك

بخيل سأل مراته اجيب لك ايه هدية عيد جوازنا فلوس ولا تاخدي موبايلي الجديد ؟؟؟ قالت لنفسها ده بخيل جلدة اكيد لو قلت فلوس هيديني 2 جنيه فقالت له خلاص عايزة موبايلك الجديد قالها اكتبي عندك زيرو اتناشر تلت خمسات صفرين سبعتين

واحدة وحشة لسة متجوزتش راحت اشترت برفان رجالى ابوها قالها ده برفان رجالى يا بنتى!!!! قالتلة منا عارفه هو هيبقى لا هما ولا ريحتهم

شاب فرفور من الشباب السيكى ميكى دخل الجيش .. الظابط شافه وسأله اسمك ايه ؟ قاله : اسمي توتي .. قام الظابط ضربه على قفاه وقاله : بكره تجيني بإسم راجل .. تاني يوم بيسأله ها اسمك ايه ؟؟؟؟ قاله توتي الشرير

واحدة تخينة جدا جدا عايزين يوزونوها وكل ما يحطوها على الميزان يتكسر من تقلها .. استوردوا ميزان الكتروني من بلاد برة وحطوها عليه خرجت رسالة مكتوب عليها : بالدور يا جماعة واحد واحد

واحد واخذ ارنب يبيعه فى السوق جاله واحد مسطول وسأل: بكام الحمار ؟ قال له بس ده ارنب مش حمار ... قال له ياعم انا بكلم الارنب

دكتور قلب طلع معاش وفى حفل تكريمه حطو صورته جوه قلب كبير .. واحد من الحاضرين مقدرش يستحمل ومات على روحه من الضحك وقعد يضحك اوى .. سألوه بتضحك ليه ؟؟؟ قالهم اصل انا دكتور بواسير وطالع معاش الاسبوع الجاى

Contents: