More Egyptian jokes ...

واحد ألدغ فى حرف الـ (ر) وبيتكسف جداً
لما يشترى شاورمة يقول للراجل هاتلى شاويمة
فبيقوله هاتلى واحد كفتة وخلاص وهو زعلان جداً
طلعله عفريت قاله تطلب ايه ؟
قاله نفسى أقول شاورمة صح
قاله خلاص قولها بكرة بس هاتكون مرة واحدة بس
راح المحل وبيقول للراجل بكل عنطزة بقى هاتلى واحد شـاورمة
قاله إيه ؟؟؟
قاله هات واحد كفتة الله يحرقك

إتنين ماشيين في الشارع والدنيا بتمطر
عدت عربية بسرعة غرقتهم ومشيت
واحد قال للتانى : تعرف لو كان حصل معانا كده فى المهندسين
بقى كان السواق وقف
وخدنا بيته
و غير لنا هدومنا
و خلانا نبات عنده
وكان إدانا 100 دولار الصبح واحنا ماشيين كمان
التانى قاله : بتتكلم بجد والله ؟
قاله آه والله حصلت مع أختى

قـصيدة شـعر صـعيدى :
وبحبك كيف ماخابرش وعلى فراجك ماجادرش
من كتر الشوج خسيت وآنى كنت تخين وبكرش
والحب يابوى بهدلنى .. مرمطنى جوى وخرشمنى
وغرامك بيغرمنى وماعادش معاى ولا جرش
شومة حبك بطحتنى .. وجاموسة الشوج نطحتنى
والهوى جحشته رفستنى .. وآنى يابوى ما صابرش

واحد كل يوم يعدى على مطعم ويسأل الطباخ عندكوا كيكة الطماطم؟
فيقوله الراجل لاء
فييجى تانى يوم يسأله عندكوا كيكة الطماطم؟
فالراجل يقوله لاء
وييجى تالت يوم يعمل نفس الحكاية
فالراجل زهق و قال لما أعمله كيكة طماطم وأمرى لله
جه تانى يوم وقاله عندكوا كيكة الطماطم؟
فالراجل قاله أيوة يا سيدى
قاله : يععععععع بتاكلوها إزاى دى ؟؟؟

إتنين حرامية دخلوا شقة بالليل
صاحب الشقة صحى فجأة
فواحد منهم إستخبى فى البلكونة والتانى إستخبى فى الحمام
شوية وصاحب البيت دخل البلكونة ومسك الأولانى
قاله إنت بتعمل إيه هنا ؟
فالحرامى قاله إستنى بس هافهمك
أأ..أأأ...أنا من سلاح الطيران فى الجيش وكنت باحارب إسرائيل بالطيارة
لكن صاروخ جه فيا فنزلت بالبراشوت في البلك...ونة دى
الراجل قاله : أيوة أهو إنت كده بطل
مش التانى اللى نايم لى فى البانيو ويقولى ضفادع بشرية

مرة 3 أطفال راحوا محل لعب
واد منهم بيقول للراجل : عمو عمو عايز بالونة
الراجل جاب السلم وطلع جابله بالونة ونزل
وسأل التانى: وإنت عايز إيه ?
قاله عايز بالونة
قاله وماقلتش ليه مانا كنت فوق !!
المهم طلع جابها له
وهو فوق سأل الواد التالت: وإنت كمان عايز بالونة
??? قاله لأ
فنزل الراجل وسأله : أمال عايز إيه ? قاله عايز بالونتين

بلدياتنا قاعد يفكر مع نفسه ويقول :
جمبرى فى الطبق ؟ لا لا .. أرنب فى الجردل ؟
برضه لاء مش دى
إستكوزا فى البانيو ؟ يوووووه برضه مش دى
أنا هاتصل أعرف من الدكتور وخلاص
وإتصل بالدكتور وسأله : يا دكتور هو أنا عندى إيه ؟
الدكتور قاله ياعم قلت لك مليون مرة عندك سرطان فى الحوض

واحد واخد صاحبه معاه بيفرجه على شقته
وبيقوله : دا بقى الصالون ودا الأنتريه ودا الحمام
ودخل أوضة النوم شاف مراته مع واحد غريب أم خارج بسرعة وقفل الباب وراه
وقال لصاحبه أأ..أ أ..أعملك شاى ؟
فصاحبه قاله : شاى إيه ياعم واللى مع مراتك جوا دا ؟
قاله : لا دا يبقى يعمل لنفسه بروح أمه

صعيدى راكب طيارة وعايز يروح الحمام
فخبط على كتف المضيفة وهو محرج جداً
وسألها هو التاوالات منين ؟
قالت له : نعم ؟
قالها : هو التاوالات منين ؟
قالت له تقصد التواليت ؟ قالها أيوة
قالت له من الناحية التانية
فراح خبط عالكتف التانى وسألها : هو التاوالات منين ؟

شاب فافى مراتة بتولد
وقاعدة تصرخ جامد
وهو واقف برة عمال يعيط
ويقول لنفسه أنا السبب أنا السبب

واد مسطول فى إمتحان لغة عربية جاله سؤال فى النحو
بيقول : أدخل (إن) فى جملة من عندك
فكتب : ذهبت إلى المحل وإشتريت إن سبعين

بلدياتنا إتجوز
مراته خلفت بعد شهر واحد من الجواز
واحد قاله إزاى كده ؟
قاله أعوذ بالله يا أخى حتى الحسد فى دى كمان

ذات يوم رأت الأميرة ليلى الثعلب خلف شجرة
فسألته : هل أنت الثعلب ؟
فقال لها نعم
ثم رأت الأميرة ليلى الثعلب خلف صخرة
فسألته : هل أنت الثعلب ؟
فقال لها نعم
ثم رأت الأميرة ليلى الثعلب داخل مغارة
فسألته : هل أنت الثعلب ؟
فقال لها : أيوة أنا الزفت أنا الهباب أنا الطين
سيبينى بقى أعرف أعمل حمام

صعيدى سافر أمريكا و إشتغل على تاكسى
وهو معدى قدام بار واحدة لابسة مايو بكينى
شاورت له فوقف لها وركبت
وقالت له عايزة أروح الحتة كذا
المهم قالها حاضر يافندم
و طول ماهو سايق عمال يبصلها فى المراية
فالست قالت له : إسكيوز مى
أنا عجبتك ولا إنت أول مرة تركب معاك واحدة لابسة بكينى ؟
قالها لا ده ولا ده أنا بس نفسى أعرف هاطلعيلى الأجرة منين

مرة واحد مصرى وإتنين إصحابه سعودى وكويتى ماشيين فى الغابة
فالسعودى قال أنا هاصطاد أرنبين
والكويتى قال وانا هاصطاد حمامتين
والمصرى قال أنا بقى هاصطاد نمرين
فالسعودى إصطاد الأرنبين
والكويتى إصطاد الحمامتين
والمصرى جه يصطاد النمرين ماعرفش
فقال ليه كدة بس يارب
وسند على شجرة كدة
فلقى نمر وراه فالمصرى أعد يجرى والنمر يجرى وراه هو يجرى و النمر يجرى واره
لغاية ماعدى على أصحابه فقالهم إمسكوا ده بسرعة عقبال ماأجيب التانى

مرة واحد مخنوق أوى من الدنيا كلها
جرس الباب رن الساعة 10 الصبح فصحى
وفتح الباب لقى واحدة مذيعة
بتقوله ممكن نعرف ياترى بتعمل إيه أول ماتقوم من النوم ؟
قالها أنا باقوم من أم النوم أروح أم الحمام أفتح أم الحنفية أغسل أم وشى أروح أم الأوضة أقلع أم الترنج ألبس أم البنطلون أنزل من أم الشقة أركب أم الأتوبيس أروح أم الشغل وبعد ما أخلص أم الشغل أرجع أم البيت وخلاص قالت له المذيعة : يا فندم يلعن أم البرنامج اللى خلانا نشوف أم وشك